ബംഗളൂരു: എംഎൽഎമാർക്കെതിരെ അപകീർത്തികരമായ ലേഖനങ്ങൾ പ്രസിദ്ധീകരിച്ച രണ്ട് കന്നട ടാബ്ലോയിഡുകളുടെ എഡിറ്റർമാരെ ശിക്ഷിക്കാൻ കർണാടക നിയമസഭാ ഐക്യകണ്ഠേന തീരുമാനിച്ചു. ഹായ് ബംഗളൂരു പത്രത്തിന്‍റെ എഡിറ്ററായ രവി ബെലഗെരെ, യെലഹങ്ക വോയിസ് ടാബ്ലോയിഡ് പത്രത്തിന്‍റെ എഡിറ്റർ അനിൽ രാജ് എന്നിവരെയാണ് ശിക്ഷിക്കുന്നത്. ഒരു വർഷം തടവും പതിനായിരം രൂപ പിഴയുമാണ് ശിക്ഷ.
നിയമസഭാ സമിതിയുടെ നിർദേശത്തിന്‍റെ അടിസ്ഥാനത്തിലാണ് മാധ്യമപ്രവർത്തകർക്കെതിരെ നടപടി എടുത്തത്. 2013 ൽ ഇവർ പ്രസിദ്ധീകരിച്ച ലേഖനത്തിലൂടെ എംഎൽഎമാരെ അപകീർത്തിപ്പെടുത്തി എന്നാണ് കുറ്റം. ബിജെപി എംഎൽഎ എസ്.ആർ.വിശ്വനാഥ്, കോണ്ഗ്രസ് എംഎൽഎ ബി.എം. നാഗരാജ് എന്നിവരുടെ പരാതിയിലാണ് നടപടി.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button.
